ប្រវត្តិវិទ្យាល័យមង្គលបូរី

វិទ្យាល័យមង្គលបូរី  មាន​ទីតាំង​​ស្ថិត​នៅ​ជាប់​ដង​ផ្លូវ​ជាតិ​លេខ​៥ ស្ថិត​នៅ​ក្នុង​ភូមិឫស្សីក្រោក ឃុំ ឫស្សី​​ក្រោក ស្រុកមង្គលបូរី ខេត្តបន្ទាយមានជ័យ ស្ថិតនៅ​​ខាង​ត្បូងផ្លូវ​បំបែកមួយ​ក្នុងស្រុក​មង្គលបូរី ដែល​មាន​រូប​សំណាក​យាយជី​ច្រូត​ស្រូវ​ជា​សម្គាល់ ចម្ងាយ​ប្រហែល ៥០០ ម៉ែត្រ ។ ដែល​កាល​ពីដើម​​ឡើយវិទ្យាល័យ​នេះមានឈ្មោះថាអនុវិទ្យាល័យព្រះបាទភវវរ្ម័នដែល​មាន​បណ្ដោយ​ពីខាងលិចទៅ ខាងកើត ប្រវែង ៤៤៣ ម៉ែត្រ  ទទឹងពីត្បូងទៅជើង ប្រវែង ១៣០ ម៉ែត្រ ។

អំពីកំណើតសាលា៖
គ្រឹះស្ថានសិក្សានេះ  បានបើកជាផ្លូវការនៅថ្ងៃទី០១  ខែមករា  ឆ្នាំ១៩៦២  ដែលមានទីតាំង​បណ្ដោះ​អាសន្ន​នៅកន្លែង​​អនុវិទ្យាល័យ​ឯកជនមួយ  ឈ្មោះ យ៉ុង  យ៉ាង  មាន​ចម្ងាយ​ប្រហែល ១០០ ម៉ែត្រ  ខាង​ត្បូង​​ទីតាំង​​វិទ្យាល័យ​សព្វថ្ងៃ ។

អំពីនាយកសាលា៖
១-លោក តែ ធាវគឹមយ៉េន (ឆ្នាំ១៩៦២-១៩៦៨) នាយកអនុវិទ្យាល័យ ភវវរ្ម័ន
២- លោក ប៊ុន គី     (ឆ្នាំ១៩៧០-១៩៧២)
៣- លោកនាយក ម៉ៅ អួប    (ឆ្នាំ១៩៧២-១៩៧៤)
៤- លោកនាយក ឈឹម ឆូត (ឆ្នាំ១៩៧៤ ទល់សម័យប្រល័យពូជសាសន៍ប៉ុល ពត)
៥- លោកនាយក ឌួង  លី (ពីឆ្នាំ១៩៧៩-១៩៨៥)
៦- លោកនាយក យ៉ា  ថន (ពីឆ្នាំ១៩៨៥-១៩៩០)
៧- អ្នកស្រីនាយិកា ឡាយ  ហ៊ុនគី  (អ្នកស្រី ត្រឹង ងា) (ឆ្នាំ១៩៩០-១៩៩៤)
៨- លោកនាយក ស៊ូ មង្គល (ឆ្នាំ១៩៩៤-១៩៩៩)
៩- លោកនាយក ពៅ ភ័សានី  (ពីឆ្នាំ២០០០ រហូតមកទល់បច្ចុប្បន្ន)។​

រចនាសម្ព័ន្ធគ្រប់គ្រងបច្ចុប្បន្ន  មានដូចតទៅ ៖

១- លោក ពៅ ភ័សានី    ជានាយក
២- លោក ងួន ចាន់ណា នាយករង (ទទួលបន្ទុកផ្នែកមធ្យមសិក្សាទុតិយភូមិ) ក្រោយមកត្រូវ​ជំនួស​ដោយ លោក ស៊ី ទី​ដែលបានទទួល មុខតំណែងដោយការបោះឆ្នោត​របស់បុគ្គលិកទាំងអស់ ។
៣- លោក ណាក ប៊ុនហួង  នាយករង និងជាអគ្គានុរក្ស
៤- លោក ថាច មន្ថា​​ នាយករង (ទទួលបន្ទុកផ្នែកមធ្យមសិក្សាបឋមភូមិ)

ប្រភព​ "លោក ឡយ ជីវ័ននិង អ្នកស្រី យ៉ា វ៉ារី"